| 1850 | | José Pérez Ortiz, caderralgu de Derechu Romanu de la Universidá d’Uviéu, publica una fueya suelta titulada El galán de esta villa. Romance antiguo, natural compañero de la danza, propio para ostentar el sexo femenino la alegre conyugal, y por cuyo olvido deja practicarse aun por las honestas. | | | | 1852 | 26 d’ochobre de 1852
Naz en La Habana Anselmo G. del Valle, autor de 21 melodías asturianas y 20 melodías asturianas para piano. | | | 1853 | | Naz en Madrid el compositor José Hurtado, autor de 100 cantos populares asturianos y Aires populares de Asturias. | | | | 1858 | | Con motivu del viaxe de la reina Isabel II a Asturies, Teodoro Cuesta compón unes Xiraldilles pa banda de música, ún de los escasos exemplos d’esti compositor del que nos quede la so partitura. | | | | 1860 | | El folclorista José Amador de los Ríos pasa’l branu na fastera oriental d’Asturies recoyendo romances. | | | | 1861 | Naz José María Uría y Uría, pintor destacáu de la segunda promoción de pintores asturianos del sieglu XIX. Ente les sos obres destaca A la Pipiona, na que sal reatratáu en primer términu ‘l cantador de tonada El Maragatu.
Amador de los Ríos dio a conocer en Berlín dellos romances asturianos nel artículu "Romanzen Asturiens aus dem Volksmunde zum ersten Mal Gesammelt und herausgeben" dientru de Jahrbuch für Romanische und Englische Literatur, y tamién n’España dientro de la Revista Ibérica de Ciencias, Política, Literatura, Artes e Instrucción Pública. | | | 1862 | | Naz en Xixón el compositor Juan Martínez Abades, autor de varies pieces de música llixero y asturianaes como "Paloma blanca", "Soi asturianín", "La panderetera"... | | | 1863 | Naz n’Avilés el compositor Román Hevia Menéndez Sierra, autor de varies pieces relixoses y asturianaes.
Naz n’Avilés el compositor Heliodoro González, autor de delles fantasíes basaes en música popular asturiana. | | | 1864 | 6 de febreru de 1864
Naz Ramón García Tuero, el Gaiteru Llibardón, nel Molín del Matu, en Arroes (Villaviciosa) | | | 1867 | | Naz n’Uviéu’l compositor Saturnino del Fresno y Arroyo, de quien se conoz un interesante arreglu del tema popular "La Praviana". | | | 1870 | | Naz en La Manxoya el Gaiteru Santa Clara, Manuel Suárez Álvarez, de profesión "carromateru". | | | 1873 | | Constitúise la sociedá filarmónica La Castalia, integrada por mozos y moces pertenecientes a les families más distinguíes d’Uviéu, y de la que’l compositor Víctor Sáenz fue’l so director artísticu. | | | 1877 | 6 d’ochobre de 1877
Naz el compositor Baldomero Fernández, n’Uviéu.
Naz Emilio Robles Muñiz, Pachín de Melás, en Xixón. | | | 1879 | Naz n’Uviéu l’escritor y compositor Benito Álvarez-Buylla y Lozana, quien baxo l’alcuñu de Silvio Itálico escribió dellos artículos sobre música asturiana.
Naz n’Avilés el compositor Benjamín Orbón, autor ente otres d’una Rapsodia asturiana y Dos danzas asturianas, como tamién una zarzuela titulada La víspera de San Juan. | | | 1870 | | Naz en La Manxoya el Gaiteru Santa Clara, Manuel Suárez Álvarez, de profesión "carromateru". | | | 1881 | Desaparez la sociedá filarmónica La Castalia, pa pasar a nomase El Liceo.
Aparez la tertulia y grupu de trabayu nomáu La Quintana, compuestu por Fermín Canella, Braulio Vigón, Julio Somoza, Fuertes Acevedo, Selgas, Acevedo y Huelves, Jove y Bravo, Ciriaco Martín Vigil y García Caveda. | | | 1882 | Actuación del famosu tenor Enrico Tamberlick n’Uviéu. Cantó nuna aldea cercana a Uviéu con acompañamientu de gaita, animáu pol músicu asturianu Rufino González-Nuevo. De la so estancia n’Uviéu tamién se tien conocimientu d’otra interpretación para gaita y orquesta, esta vez cola collaboración de Teodoro Cuesta.
Fúndase la Sociedá Demolóxica Asturiana, col propósitu de conservar el folclor popular, y col apoyu de Juan Menéndez Pidal, Bernardo Acevedo y Huelves, Braulio Vigón y Rogelio Jove y Bravo. Col tiempu too queda malapenes nuna declaración d’intenciones.
5 d'abril de 1882
Naz Emilio Álvarez Suárez, el Gaiterín de San Claudio, en Cotallón, San Claudio (Uviéu). | | | 1885 | Aparez Todo por Asturias. Primer capricho pot-pourrístico sobre cantos populares de Asturias compuesto para piano por Rufino G. Nuevo y Miranda. Trátase d'una suite con 15 temes asturianos populares.
Fórmase l’Agrupación Coral e Instrumental Ovetense, que trenta años más tarde va terminar llamándose l’Orfeón Ovetense.
Juan Menéndez Pidal publica la so Colección de los viejos romances que se cantan por los asturianos en la danza prima, esfoyazas y filandones, pionera n’España d’esti tipu de recopilaciones.
Publícase El folklore del mar en Asturias, de Braulio Vigón.
José María Quadrado publica Recuerdos y bellezas de España. Asturias y León, nel qu’aparecen dellos romances asturianos. | | | 1886 | Aniceto Sela intenta constituyir, en collaboración con otros folcloristes españoles, la Sociedá del Folclore Asturiano, que nun llegó a consolidase.
Aparez el Folklore de Proaza, d’Eugenio Olavarría, publicáu nel volumen VIII de la Biblioteca de las tradiciones populares españolas baxo’l alcuñu de Giner Ariváu. Trátase d’una "Contribución al Folklore de Asturias" fecha a partir d’una sola informante, de ventiocho años, a la que conociera por casualidá en Madrid.
13 de marzxu de 1886
Naz Manolo Rivas, el Gaiteru la Portilla, en La Portilla (Llanes), quien colos años va ser ún de los gaiteros más renomaos del oriente d’Asturies, convirtiéndose nel verdaderu maestru de la nomada escuela oriental de gaiteros. | | | 1887 | | Publícase Todo por Asturias. 2º capricho pot-pourrístico sobre cantos populares asturianos compuesto para piano por Rufino G. Nuevo... Recueye esti cancioneru 15 temes populares asturianos. | | | 1888 | 7 d'abril de 1888
Naz n'Uviéu Eduardo Martínez Torner, autor del Cancionero Musical de la Lírica Popular Asturiana. | | | 1889 | Sidra El Gaitero contrata al Gaiteru Llibardón, Ramón García Tuero, pa dir a la Exposición Mundial de París.
Aparez el trabayu del folclorista suecu Ake W. Munthe, tituláu Folkpoesi fran Asturien: 1888-1889.
26 d'agostu de 1889
Nacimientu d'Ángel González Rodríguez, el Maragatu, en Nubleo (Corvera d'Asturies). | | | 1890 | Publícase 100 cantos populares asturianos de José Hurtado.
Dexa d’axuntase y de funcional el grupu La Quintana.
Naz Agapito Pombo Salgado, en Triacastela (Llugu), y treslládase a vivir a Morea d’Ayer a los 18 años, convirtiéndose col tiempu nún de los más reputaos constructores de gaites.
12 d'agostu de 1890
Nacimientu de José Menéndez Carreño, Cuchichi, nel barriu de Pumarín (Uviéu). | | | 1891 | Publíquense los Errores populares, d’Eladio García Jove.
7 d'ochobre de 1891
Naz n'Uviéu Juan Uría Ríu. | | | 1892 | Naz José Martínez Suárez, Botón, n’Uviéu.
17 de septiembre de 1892
Inaugúrase’l Teatro Campoamor d’Uviéu.
29 d'ochobre de 1892
Na cai Santa Clara d'Uviéu naz Claverol el 29 d'ochobre de 1892. | | | 1893 | Presentación nel Teatro Campoamor del Capricho Español de Rimski Korsakov.
Naz n’Uviéu Enrique Cienfuegos Martínez, Quin el Pescaor.
Publícase Los vaqueiros de alzada en Asturias, de Bernardo Acevedo y Huelves. | | | 1895 | Muerre n’Uviéu l’escritor, músicu y compositor Teodoro Cuesta.
Entama la publicación del primer tomu del Asturias, de Fermín Canella y Octavio Bellmunt. El tercer y últimu tomu va ver la lluz nel 1900.
Publícase’l llibru Juegos y rimas infantiles recogidos en los concejos de Villaviciosa, Colunga y Caravia, de Braulio Vigón. Asina como tamién la so Poesía popular.
9 de xineru de 1895
Santos Luciano Alonso Muñiz, naz en Casquellu, Felechosa (Ayer), el que colos años diba ser conocíu como Santos Bandera y El Rei de les Felechosines. Enxamás participó en nengún concursu de tonada, pero dexó la impronta de la so manera de cantar a l’ayerana. | | | 1896 | | Obdulia Álvarez Díaz naz na Fuente la Plata (Uviéu), la que col tiempu diba ser conocida como La Busdonga, alcuñu que-y vien pol fechu de que’l padre tuviera de ferroviariu nesti pueblu lleonés. | | | 1897 | 3 de xunetu de 1897
Naz n'Uviéu Vicente Miranda Rodríguez. | | | 1898 | | En The English and Scottish Popular Ballads (1882-1898), de F.J. Child, aparecen comentarios sobre la colección de romances asturianos recoyida por Juan Menéndez Pidal. | | | | | |
| |  |  | | "A la pipiona", oleu de José María Uría y Uría |  |
| |  | | | El Gaiteru Libardón y el tambor de L'Abadía | |
| |  | | | "Cien Cantos Populares" de Hurtado | |
| | | |  | | | Fermín Canella, ún de los miembros de "La Quintana" | |
| | | | |
|
