Nel Antifonario de Lleón los cantares rexistren llargos melismes que, pa dellos musicólogos como José Benito Álvarez-Buylla, representen una característica propia frente al cantu gregorianu xeneral y que vinculen a la influencia del cantu mozárabe.

Na ilesia de San Andrés de Valdebárcena aparecen representaciones de baillarines.

Na ilesia de San Cloyo d'Uviéu, agora desaparecida pero de la que se conserven restos nel Muséu Arqueolóxicu d'Asturies, alcuéntrase representada una muyer con panderu.

Na ilesia de San Esteban d'Aramil afáyase una representación d'una muyer tocando un panderu cuadráu.
Na ilesia de Santiagu Arllós, Llanera, vese la representación d'una cabra tocando una arpa-salteriu.

Na ilesia de San Salvador de Fuentes, Villaviciosa, queda constacia de la esistencia d'una representación d'un burru tocando l'arpa, imaxen desaparecida cuando la guerra civil.

El Codex Calistino o Libro de Santiago recueye la música de los oficios llitúrxicos de la época, nel que destauewn los llargos melismes de les aleluyes, los graduales y otros pasaxes.

Nos capiteles de la ilesia de San Xuan d'Amandi (Villaviciosa) atópense representaes pandereteres (un panderu redondu y dos cuadraos). Tamién aparez una figura tocando un modelu d'arpa o salteriu.

Na ilesia de Santa Olaya de Lloraza aparecen representaos un vigüelista y una panderetera.

Nun capitel de la ilesia de Santa María de Villaviciosa afáyase l'altu relieve d'un gaiteru.

Nuna archivolta de la portada de la ilesia de San Xuan de Lleón aparez una zanfona.

Publíquense les Cantigas de Amigo , de Martín Codax, nes que s'acusa un fuerte sabor popular y dellos musicólogos afayen influencies gallegues y asturianes.

Nel Libro d'Alexandre faise referencia a dellos instrumentos, nel versu que diz: “Y havíe sinfonías, arpa, giga e rota”.

Na catedral gótica d'Uviéu aparez representada una muyer a caballu tocando un instrumentu de cuerda. Otres muyeres qu'aparecen representaes son baillarines. Nun capitel aparez un home que toca la xipla y el tamboril, acompañáu d'una moza que bailla. N'otros capiteles vense músicos de salteriu, vigüela... xunto a muyeres danzando lo que parez ser una danza prima. Una de les imáxenes más conocíes y reproducíes aparez nun capitel de la parte ueste de claustru, y representa a un gaiteru.

Nel “Libro de la Regla Colorada ” que s'afaya nel Archivu de la Catedral d'Uviéu aparez representáu un coneyu tocando la gaita.

Na sillería del coru de la catedral d'Uviéu atópense representaos un home tocando una xiblata, xunto a muyeres danzando. N'otra escena vense a dellos xabariles danzando al son d'otru que toca la gaita. N 'otra afáyase un bufón baillando al son d'un gaiteru sentáu (que podría ser una representación animal). Otra llugar recueye la figura d'un gaiteru nuna escena de chigre xunto a un escanciador y a un bebedor. Tamién aparez la imaxen d'un caballu gaiteru arrodiáu d'éligues.

Nel calustru de la catedral d'Uviéu afáyase la figura de varios centauros músicos, ente ellos ún tocando l'arpa. Cerca d'ella vese la figura d'un caballeru con una gran arpa al delláu.

Na capiella del Rei Castu de la catedral d'Uviéu atópase la figura d'un rei David tocando l'arpa.

Antón de Montero remite unos versos al Marqués de Santillana nos qu'aparez una referencia al arpa de boca: “Y ante el son de las trompetas / tañer trompas de París”.

Con motivu de les alegríes que n'Uviéu festexaron la concordia del rei Fernando y los sos fíos Felipe y Juana, cítase una procesión na qu'intervinieron gaiteros.

Emprima a facese'l retablu mayor de la catedral d'Uviéu, obra de Giralte de Bruselas y Juan de Valmaseda, nel que s'alcuentren figures de músicos, ente elles la d'un rei David tocando l'arpa.

Según consta nel Libro de Actas del Ayuntamiento de Oviedo , en Llanes, por motivu de les alegríes pol casamientu del emperador, encárgase que vayan los atambores y tamborinos tocando peles cais a la nueche y na mañana na procesión.

Nel Libro de Actas del Ayuntamiento de Oviedo consta un pagu de dos reales a un tamborino.

Bartolomeo Fontana, pelerín a Santiagu, pon en boca de pelerinos franceses un cantar relativu a Asturies y qu'anicia diciendo: “O Asturi, tu sei pur bella, e sei pur dura”.

Nel llibru de Gastos del Corpus refléxase nesti añu y nel siguiente el pagu por facer unes dances, pola adquisición d'unos cascabeles y pol empléu de dos tamborinos.

Nel llibru de la Cofradía de la parroquia de San Pedro de Grao aparecen consignaos gastos de gaita, tambor y danza. Estos gastos consígnense, con llixeres variaciones, a lo llargo de los doscientos años siguientes.

A partir d'esti añu hai referencies nel Archivu Capitular de la catedral d'Uviéu de la esistencia de músicos de arpa.

Nel Libro de Acuerdos del Ayuntamientu d'Uviéu aparez la referencia del usu de “gaitas, atabales y música para dar las alboradas como lo han hecho siempre”.

Ciriaco M. Vigil señala d'esta fecha les escritures que falen de la obligación de tocar los atabales de la ciudá d'Uviéu por espaciu d'un añu.

Nel llibru de la Cofradía del Santísimo Sacramento de la parroquia de San Xuan de Mieres consígnense los gastos d'un gaiteru pola participación na fiesta. Nos siguientes ciento venticinco años aparecen consignaos igualmente otros gastos referíos a tamboriteros y danzadores.

Nun padrón del conceyu de Mieres aparez la referencia d'un tamboriteru, Domingo González d'Ablaneo, Turón.

Nel llibru de la Cofradía del Santísimo Sacramento de la parroquia de San Martín de Tapia consígnase'l pagu a la danza y a un tamboriteru.

El poeta asturianu Antón de Mari Reguera da la primer referencia lliteraria de la gaita nel so poema Pleitu ente Uviéu y Mérida , con motivu del treslláu de los güesos de Santa Olaya de Mérida a Asturies: “Trúxolos el Rey piadosu, / de llaceria los sacó / y metiólos per Uviedo / con gaites y procesión”.

Nel llibru de la Cofradía de San Bartolomé de la parroquia de San Playu del Puertu, d'Uviéu, consíganse'l pagu a un gaiteru y a unos bailladores.

D'esti añu n'alantre, y a lo llargo d'ochenta años, tiense constancia de la esistencia na orquesta de la catedral de diciocho tocadores de arpa.

En El Libro de Acuerdos del Ayuntamiento de Oviedo se señala l'ofrecimientu a Juan de Rivera, de Villaviciosa, d'un salariu de doce ducados, que-y van pagar hasta l'añu 1970, nel que se xubila, pa baillar la danza del Corpus. Descendientes d'ñel van aparecer lligaos a esta Danza hasta bien entráu'l sieglu XVIII.

Nel llibru de la Cofradía de Nuestra Señora del Carmen de la parroquia de Santa Uxenia de los Pandos (Villaciciosa), aparecen consignaos los pagos a danzadores y gaiteros. Gastos que siguirán rexistrándose nos cincuenta años siguientes.

La Cofradía de Nuestra Señora del Carmen, de Santa Uxenia de los Pandos de Villaviciosa, da cuenta del pagu al gaiteru poles fiestes del Carmen.

Cítase'l pagu que se fai a la danza y al gaiteru na memoria de les fiestes que se cellebraron por Santa Olaya.

D'esta fecha ta firmáu un cuadru de Juan Carreño Miranda, pa los Trinitarios d'Irueña, nel qu'aparez la representación d'una arpa. Anguañu allúgase nel muséu del Louvre, de París.