"La presente cronoloxía ta plantexada con vistes a cumplir dos obxetivos claros: de mano, dar a conocer los principales fitos y fechos relacionaos cola canción asturiana; y, detrás, a estructurar nel tiempu la evolución de la canción asturiana, dexando clara constacia d'esta evolución. Con ello, preténdese afondar na idea, tantes vueltes repitía a lo llargo de testu, de que la tonada ye un xéneru con más futuru que pasáu.
Como s'esplicara n'otra parte, la falta de trabayos sobre los sos oríxenes y les poques referencies coles que contamos, fai qu'esta cronoloxía sucinta de la canción asturiana arranque na fecha simbólica de 1829".
1829 9 de payares

Naz nel barriu La Pasera de Mieres el poeta, músicu, y compositor Teodoro Cuesta, autor de delles tonaes mui populares (por ex. "Ayer me dixo to madre").
1831 12 de xunu

Naz Rufino G. Nuevo y Miranda, n'Avilés. Publicó en 1885 el cancioneru Todo por Asturias. Primer capricho pot-pourrístico... y en 1887 Todo por Asturias. 2º capricho pot-purrístico...
1841 30 de marzu
Naz n'Uviéu Víctor Sáenz Canel, autor de 3 pot-pourris de cantos asturianos, editáu a final del sieglu XIX.
1848
Naz n’Olloniegu (Uviéu) el compositor Eulogio Llaneza Villa, autor del "Himno a Covadonga", con lletra d’Enrique García Rendueles.
1849
Remodelación del Teatru del Fontán d’Uviéu (inauguráu en 1670), nel que tienen llugar conciertos, óperes, zarzueles y música asturiana.
1852 26 d’ochobre
Naz en La Habana Anselmo G. del Valle, autor de 21 melodías asturianas y 20 melodías asturianas para piano.
1862 Naz en Xixón el compositor Juan Martínez Abades, autor de varies pieces de música llixero y asturianaes como "Paloma blanca".
1863 Naz n’Avilés el compositor Román Hevia Menéndez Sierra, autor de varies pieces relixoses y asturianaes.
1863 Naz n’Avilés el compositor Heliodoro González, autor de delles fantasíes basaes en música popular asturiana.
1864 6 de febreru Naz Ramón García Tuero, el Gaiteru Llibardón, en Arrones (Villaviciosa)
1867 Naz n’Uviéu’l compositor Saturnino del Fresno y Arroyo, de quien se conoz un interesante arreglu del tema popular "La Praviana".
1870 Naz en La Manxoya el Gaiteru Santa Clara, Manuel Suárez Álvarez, de profesión "carromateru".
1879 Naz n’Uviéu l’escritor y compositor Benito Álvarez-Buylla y Lozana, quien baxo l’alcuñu de Silvio Itálico escribió dellos artículos sobre música asturiana.
1880 Naz José Remis Vega, el Gaiteru Margollés, quien fuera en Madrid gaiteru oficial d'Alfonso XIII.
1882 Actuación del famosu tenor Enrico Tamberlick n’Uviéu. Cantó nuna aldea cercana a Uviéu con acompañamientu de gaita, animáu pol músicu asturianu Rufino González-Nuevo.
1882 5 d'abril Naz Emilio Álvarez Suárez, el Gaiterín de San Claudio, en Cotallón, San Claudio (Uviéu).
1885 Aparez Todo por Asturias. Primer capricho pot-pourrístico sobre cantos populares de Asturias compuesto para piano por Rufino G. Nuevo y Miranda. Trátase d'una suite con 15 temes asturianos populares.
1887 Publícase Todo por Asturias. 2º capricho pot-pourrístico sobre cantos populares Asturianos compuesto para piano por Rufino G. Nuevo.... Recueye esti cancioneru 15 temes populares asturianos.
1888 7 d'abril Naz n'Uviéu Eduardo Martínez Torner, autor del Cancionero Musical de la Lírica Popular Asturiana.
1889 26 d'agostu Nacimientu d'Ángel González Rodríguez, el Maragatu, en Nubleo (Corvera d'Asturies).
1889 Sidra El Gaitero contrata al Gaiteru Llibardón, Ramón García Tuero, pa dir a la Exposición Mundial de París.
1890 12 d'agostu Nacimientu de José Menéndez Carreño, Cuchichi, nel barriu de Pumarín (Uviéu).
1890 Publícase 100 cantos populares asturianos de José Hurtado.
1891 7 d'ochobre Naz n'Uviéu Juan Uría Ríu.
1892 17 de septiembre Inaugúrase’l Teatro Campoamor d’Uviéu.
1892 29 d'ochobre Na cai Santa Clara d'Uviéu naz Claverol el 29 d'ochobre de 1892.
1893 Presentación nel Teatro Campoamor del Capricho Español de Rimski Korsakov.
1895 9 de xineru Santos Luciano Alonso Muñiz naz en Casquellu, Felechosa (Ayer).
1896 Obdulia Álvarez Díaz naz na Fuente la Plata (Uviéu).
1897 3 de xunetu Naz n'Uviéu Vicente Miranda Rodríguez.
1900 10 de mayu Joaquín Martínez González, Xuacu'l de Sama, naz nel campón del Cristu les Cadenes, Uviéu.
1900 El xuráu de la Exposición Mundial de París otorga la medalla del méritu al Gaiteru Llibardón, Ramón García Tuero.
1901 Naz en Xixón el compositor Sergio Domingo, autor de varies obres corales sobre cantos populares asturianos
1905 Ingresu de Cuchichi na Agrupación Coral e Instrumental Ovetense (qu'en 1927 pasaría a llamase Orfeón Ovetense).
1905 14 d'ochobre Naz Juan Menéndez Muñiz, Juanín de Mieres, nel barriu d'Oñón (Mieres).
1906 Publíquense 21 melodías asturianas y 20 melodías asturianas para piano de Anselmo G. del Valle.
1907 Enantes de cumplir los 16 años, a primeros de 1907, Claverol entra a formar parte de l'Asociación Coral e Instrumental Ovetense (a partir de 1927 Orfeón Ovetense), dirixida entós por Manuel Olavarrieta Álvarez-Rayón.
1908 9 d'avientu Naz José González Cristóbal, El Presi, nel barriu del Carmen de Xixón.
1910 24 d'agostu Naz Josefina Fernández Álvarez en Xixón.
1910 Ve la lluz el primer discu de música asturiana, el del Gaiteru Llibardón, Ramón García Tuero.
1910 2 de xineru Naz en Margolles (Cangues d'Onís) José Remis Ovalle.
1911 15 de septiembre Muerre n'Uviéu Anselmo G. del Valle, músicu asturianu qu’unvió a Rimsky Korsakow les melodíes que más tarde compondríen el so Capricho Español.
19911 Publícase Album Alma Asturiana de Fidel Maya y Francisco R. Lavandera. 90 canciones populares asturianes. Esiste una continuación 30 cantos más de Francisco R. Lavandera.
1912 Baldomero Fernández conoz a Ángel González Rodríguez, el Maragatu, cuando esti tenía 23 años d'edá.
1914 Eduardo Martínez Torner escueye a José Menéndez Carreño,Cuchichi, pola so escepcional voz y forma de cantar, como collaborador pa ilustrar una serie de conferencies-conciertos sobre la música popular asturiana que s'inició nel Paraninfu de la Universidá d'Uviéu en 1914. Vuelve a escoyelu en 1914, xunto a la so fía Faustina.
1914 Publícase 40 canciones asturianas de Baldomero Fernández Casielles.
1914 Manuel de Falla compón Siete canciones populares españolas, ente les que s’alcuentra "Asturiana", que se basa na tonada tradicional "Por ver si me consolaba".
1914 Emprimen los conciertos d'el Maragatu y Baldomero Fernández
1915 l'Orfeón Ovetense (entós inda llamáu Agrupación Coral e Instrumental Ovetense, hasta 1927) actúa nel Teatro Real de Madrid. Tan presentes la Infanta Isabel y el Príncipe d'Asturies. Individualmente -cantando asturianaes- intervienen Botón, Joaquín Echevarría y Cuchichi. L'ésitu fue rotundu.
1915 16 d'agostu Naz José Requejo Castañón en Morea d'Arriba.
1915 7 d'avientu Naz en Escobedo de Villafufre (Cantabria) Antonio Cea Gutiérrez. Xunto al Cuarteto Cea tien grabaos tres discos: Ritos al agua, al árbol y al fuego, La Misa de Gaita y La Canción del Mar.
1915 A finales de 1917, Cuchichi y Botón, tenor y baxu destacaos del Orfeón Ovetense (hasta 1927 Agrupación Coral e Instrumental Ovetense) viaxen a Cuba y Florida.
1918 En La Habana, Cuchichi graba'l so primer discu con La Voz de su Amo.
1918 Incorpórase en calidá de barítonu al Orfeón Ovetense, onde pola calidá de la so voz fue nomáu solista, Vicente Miranda Rodríguez
1919 Estrénase nel teatro Dindurra de Xixón la zarzuela La sosiega de Francisco Rodríguez Lavandera
1919 5 de febreru Naz Silvino Argüelles Menéndez en Santumianu (Mieres).
1920 Naz el cuartetu de Los Cuatro Ases. A Galo Borbolla, director del Orfeón Ovetense, ocurrióse-y la idea de que podría formase un cuartetu coles voces más destacaes del Orfeón. El so primer director fuel bien mozu Luis Ruiz de la Peña, asesoráu pol so hermanu Ignaciu, cura, organista de la catedral y compositor. D'equí naz el cuartetu.
1920 24 de xunetu Naz José Noriega Agüera en El Busto (Villaviciosa).
1920 4 de payares Aurelio del Llano Roza de Ampudia funda el Centro de Estudios Asturianos. Xunto al Marqués de la Rodriga, el Conde de la Vega del Sella, Juan Uría Ríu...
1920 Publícase Cancionero Musical de la Lírica popular Asturiana d'Eduardo Martínez Torner.
1921 Muerre n'Avilés Rufino G. Nuevo y Miranda.
1922 Estrénase la zarzuela Un feixe de tapiegadas del compositor valdesanu Etelvino Méndez, con lletra de Conrado del Villar.
1922 17 de septiembre Festival del Folklore Asturiano n'Uviéu, organizáu por Eduardo Martínez Torner. El xuráu calificador taba formáu por: Benito Buylla, Galo Borbolla, Gonzalo de Merás, Baldomero Fernández, Juan Uría Ríu y Ramón Ochoa. Presidía Manuel Estrada, presidente de la Comisión de Festejos. Concursu de cantos: 3er premiu de 100 ptes. repartióse ente la neña Esperanza Fernández y Quin el Pescador. 2u premiu de 200 ptes. pa Carlos Cano Artamendi. 1er premiu de 300 ptes. pa Miranda.
1923 Juan Uría Ríu graba pa La Voz de su Amo un discu de 78 r.p.m. con vaqueiras.
1924 Depués d'haber collaborao xuntos en 1914 nuna serie de conciertos-conferencies que s'iniciaron nel Paraninfu de la Universidá d'Uviéu, Torner cuenta otra vez con Cuchichi en 1924, xunto cola so fía Faustina que tenía 16 años, palos solos y canciones dialogaes qu'ilustraben les sos conferencies en Cuba y México, onde collecharon grandes triunfos.
1924 Ingresa con 19 años Juanín de Mieres nel Orfeón de Mieres, del que formó parte durante 31 años.
1924 Con 16 años El Presi funda col so amigu Luis Corujo y dos guitarristes el Cuarteto Los Pamperos.
1924 10 de xineru Naz Carlitos Fernández Solís en Muries (Ayer).
1924 19 de payares Naz Laudelino Alonso Lorenzo en Los Pontones (Mieres).
1925 Primeres grabaciones de La Busdonga.
1925 18 de mayu Naz Celestino Rubiera en Pión (Villaviciosa).
1926 Juanín de Mieres intervién nel Teatru Campoamor xunto a Los Cuatro Ases.
1926 26 de septiembre Naz Fidel Díaz Gutiérrez en L'Agüeria de Carrocera (San Martín del Rei Aureliu).
1928 En febreru de 1928, l'Orfeón Ovetense y la Coral Vetusta organicen un conciertu nel Teatru Campoamor y dediquen una parte a la canción popular asturiana cola intervención de los sos solistes: Quin el Pescador, Xuacu el de Sama, Manolo el Panaderu, Esperanza García, Faustino Granda, Fernando Martín Cuervo y Los Cuatro ses.
1928 Fórmase en Xixón la Compañía Asturiana, dirixida por Joaquín Sánchez, debutando nel Teatro Principado d'Uviéu. Ente los sos componentes ta El Presi. Comienza nesta formación a interpretar canciones a la guitarra como "Carromateros", "A la salida del Sella", "Viva la xente minera", "Debaxu del campanariu"...
1929 Conciertu n'Oporto de Los Cuatro Ases,única salida d’esta formación al estranxeru.
1929 Los Cuatro Ases na Exposición Internacional de Barcelona. En 1929 y depués de la so actuación na Exposición Internacional de Barcelona ante Alfonso XIII, el gobiernu premió la executoria de cada ún de los componentes del Cuartetu Los Cuatro Ases cola medalla al méritu del trabayu.
1931 Publícase "20 canciones asturianas" de Manuel del Fresno y Pérez del Villar.
1932 21 d'ochobre Muerre Ramón García Tuero, el Gaiteru Llibardón
1932 Muerre n'Uviéu Víctor Sáenz Canel.
1934 Primera actuación de Silvino Argüelles, con 15 años d'edá, nel Cine Vegadotos de Mieres.
1935 22 de payares Función a beneficiu de Xuacu'l de Sama nel Salón París de La Felguera, que s’alcuentra, a la edá de 35 años, mui enfermu. Los sos amigos dedíquen-y dos funciones a baneficiu suyu. Collaboren, ente otros, Quin el pescador, Juanín de Mieres, José Santos Pantusu...
1935 18 d'avientu Muerte de Xuacu'l de Sama, na so casa de la travesía Hospital, de Torre d'abaxu, de Ciañu.
1935 5 d'agostu Naz Margarita Blanco Alonso na Collada (Sieru).
1936 18 d'agostu Naz Aquilino Ferrera Rodríguez en L'Agüeria de Carrocera (San Martín del Rei Aureliu).
1942 15 d'avientu Naz Francisco Escobar Díaz en Campiello (Teberga).
1944 Paco Arias de Velasco organiza'l primer concursu de canción asturiana de Radio Oviedo.
1944 Publícase Folklore y Costumbres de España de F. Carreras y Candi. El tomu II incorpora "La Canción Tradicional" d'Eduardo M. Torner.
1948 19 d'ochobre Santos Luciano Alonso Muñiz muer mientres realizaba unos trabayos de corta de madera, trabayando como vixilante xuráu pa una empresa minera, a la edá de 53 años.
1948 El diario Región organiza’l I Concurso Popular de la Canción Asturiana, que ganó José Requejo. El II Concurso gánalu Aníbal Menéndez y Veneranda Fernández. El III Concurso gánalu Juanín de Mieres, qu’actuara fuera de concursu.
1948 Con 24 años comienza a cantar en públicu Laudelino Alonso Lorenzo, les canciones qu'aprendiera del so bisgüelu José Alonso.
1948

De 1948 a 1966 celébrase Rumbo a la Gloria, de Radio Oviedo.
1950 16 de marzu Muerre Claverol a los 58 años d'edá.
1951 Muerre a los 41 años d'edá Josefina Fernández Álvarez ensin dexar dengún discu grabáu.
1955 10 de xunu Muerte d’Ángel González Rodríguez, el Maragatu, n'Uviéu. Fue enterráu nel cementeriu de San Pedru Los Arcos y años depués los sos restos fueron treslladaos a la ilesia de San Xuan el Real.
1955 Estrénase en Mieres la película Historia entre dos aldeas na qu'interpreten asturianaes José Requejo y Carlitos Fernández Solís.
1955 12 de febreru Intervién nel concursu de Canción Asturiana del salón Babel fuera de concursu y con 60 años La Busdonga. Acompañada pol so hermanu Aurelio a la gaita, con 70 años.
1955 17 de febreru Muerre esiliáu en Londres Eduardo Martínez Torner.
1956 Laudelino Alonso graba pa Columbia diez canciones, dos xunto a La Busdonga
1956 José Remis Ovalle gana'l títulu de Gaiteru Mayor d'Asturies, quedando en segundu llugar so padre, José Remis Vega, el Gaiteru Margollés.
1957 Homenaxe a Juanín de Mieres nel Teatro Capitol de Mieres.
1957 El Presi comienza una xira por Cuba, México, Venezuela, EEUU...
1957 José Noriega intervién en La Habana xunto al grupu de Coros y Danzas El Pericote de Llanes.
1960 27 de xunetu Obdulia Álvarez Díaz, La Busdonga, muerre en Xixón, nonde residía dende 1934.
1960 José Noriega emprende xunto a José Remis Ovalle una xira por Argentina, Chile, Cuba, México y EEUU.
1961 Organízase'l concursu "Asturias en Inglaterra", pa escoyer al cantante qu'acompñaría a la Polifónica de Xixón nel so viaxe. Ganó'l Tordín de Frieres y quedó segundu Silvino Argüelles.
1963 8 d'avientu Muerre a los 92 años d'edá el Gaiteru Santa Clara, Manuel Suárez Álvarez.
1963 Muerre José Remis Vega, el Gaiteru Margollés.
1967 Durante los años 1967 y 1968 fórmase la Compañía de Campeones de Canción Asturiana "Asturias canta": Margarita Blanco, José Noriega, El Tordín de Frieres, Ataulfo Lada Camblor, Agustín Argüelles, Fidel de la Güeria, Tarín de Sotrondio y el so hermanu Silvino Blanco como gaiteru.
1969 Xira per Bélxica de Margarita Blanco y el Tordín de Frieres.
1969 10 d'agostu Homenaxe al gaiteru de Llibardón por parte de los gaiteros d'Asturies. Allúgase una placa na so casa que diz: "A Ramón García Tuero, gaitero de Libardón, el pueblo de Libardón y los gaiteros de Asturias, 10-VIII-1969".
1970 Fórmase l'agrupación Así Canta Asturias.
1970 22 d'agostu José Remis Ovalle gana'l títulu de Gaiteru Mayor d'España, quedando segundu'l gaiteru coruñés Gabriel Mato.
1971 Contando 81 años, Cuchichi graba’l so últimu L.P. con 18 canciones, Antología de la canción asturiana.
1971 Grábase’l discu L.P. El Cancionero de Torner en la voz de Diamantina Rodríguez.
1973 Grábase’l primer discu d’un grupu folk asturianu, Madreselva, col significativu títulu de Folk Asturiano.
1973 El cantantautor Víctor Manuel grana un discu L.P. integráu por completo de canciones populares asturianes
1974 9 de marzu Muerre Manuel Gandoy Zapico n'accidente de carretera en Lleón, a los 39 años d'edá.
1974 23 de septiembre Muerre n'Uviéu Emilio Álvarez Suárez, el gaiterín de San Claudio.
1975 22 de marzu Muerre Miranda n'Uviéu.
1975 Publícase la conferencia De Musicología Asturiana. La Canción Tradicional de Modesto González Cobas.
1976 Concesión a Cuchichi de la Medalla al Mérito en el Trabajo.
1977 Publícase La Canción Asturiana (Un estudio de Etnología Musical) de José Benito A. Buylla.
1977

Grábase’l discu Coples de Carnaval de Jerónimo Granda.
1978 Grábase’l primer discu del grupu folk ("canción protesta") Nuberu, baxo’l títulu Asturies, ayeri y güei.
1978 3 d'avientu Muerte de José Menéndez Carreño, Cuchichi.
1979 23 de xunu Muerre n'Uviéu Juan Uría Ríu
1979 Créase la Sociedad Fonográfica Asturiana. Los dos primeros discos que salen al mercáu son Canciones Asturianas de la Capilla Polifónica Ciudad de Oviedo y Vaqueiras y otras canciones asturianas por Juan Uría Maqua.
1979 Publícase 7 canciones asturianas de Luis Vázquez del Fresno.
1980 Grábase’l discu de rock n’asturiano del grupu Asturcón.
1980 Lorenzo Novo Mier publica’l so llibrín de poemes Asturianes, modelu de lletres nueves pa vieyes tonaes.
1981 Imposición del emblema d'oru del Centru Asturianu de Madrid a Juanín de Mieres.
1981 17 de febreru Muerre Carlitos Fernández Solís.
1983 Grábase’l primer discu d’un grupu de folk celta, Trasgu, col títulu La isla de Hélice.
1983 12 de xunu Muerre José González Cristóbal, El Presi.
1984 La Sociedad Fonográfica Asturiana dedica un L.P. antolóxicu a Los Cuatro Ases de la Canción Asturiana.
1984 Grábase’l doble discu Folklore astur, una antoloxía purista de canciones y bailles tradicionales asturianos.
1984 Publícase Recuerdos de la Canción Asturiana d'Oscar Luis Tuñón y Ángel Martínez Suárez.
1985 Publícase Asturias. Catálogo General. Danzas y Bailes I d'Emilio Juan Peña.
1986 La Sociedad Fonográfica Asturiana dedica un L.P. antolóxicu al Gaiteru Llibardón y otru a Xuacu el de Sama.
1986 3 de payares Muerre en Mieres Silvino Argüelles.
1987 Distinción a Juanín de Mieres col Urogallu especial del Centru Asturianu de Madrid.
1987 Comienza a celebrase nel barriu de Requexo de Mieres el Memorial Silvino Argüelles.
1987 La Sociedad Fonográfica Asturiana dedica un L.P. antolóxicu a La Busdonga.
1987 El grupu más representativu del folk celta, Llan de Cubel, graba’l so primer discu, Deva
1987 25 de marzu Muerre en Tornín (Cangues d'Onís) José Remis Ovalle.
1989 Publicase 50 años de cancioneros asturianos armonizaos (1885-1935), de Gabriel Martínez García. Recueye dende’l cancioneru de Rufino G. Nuevo Miranda hasta’l de Luis Vázquez del Fresno.
1989 Cellébrense en Mieres los Primeros Alcuentros nel Camín, nel que tienen llugar muestres y debates sobre música y cultura asturiana.
1991 La Sociedad Fonográfica Asturiana edita un L.P. antolóxicu de Juanín de Mieres, con doce canciones.
1992 6 d'avientu Homenaxe a Juanín de Mieres nel Teatro Campoamor dientro del Concurso y Muestra de Folklore Ciudad de Oviedo.
1993 31 de xineru Homenaxe a José Noriega nel Teatro Campoamor dientro del Concurso y muestra de Folklore Ciudad de Oviedo.
1995 Comienza a celebrase en Mieres les I Xornaes d'estudiu y muestra de los estilos de la Canción Asturiana.
1996 Apaez el llibru Un hito en la historia de la cultura asturiana de José María Marcilla.
1996 Publícase’l primer númberu de la revista etnográfica Asturies, del Conceyu d’Estudios Etnográficos Belenos.
1997 Edítase’l Premiu Juan Uría Ríu 95, ganáu pola so ñeta Fidela Uría Líbano col trabayu Música Asturiana entre 1860 y 1934. Vida y catálogo de Víctor Sáenz, Anselmo González del Valle y Baldomero Fernández.
1998 Publícase una antoloxía en C.D. de canciones de Juanín de Mieres.
1999
 Edítase'l discu Tierra de nadie de José Ángel Hevia, qu'inclúi ente otres canciones tradicionales, dos tonaes nes voces de Mari Luz Cristóbal Caunedo ya Ismael Tomás. El discu sobrepasa en tol mundu'l millón d'exemplares vendíu y conviértese nuna referencia obligada de la música asturiana, y un importante pasu pa dala a conocer fuera del so ámbitu tradicional
2000 La canción La trova del mineru, incluyida nel discu Patrimoniu, de l'Asturiana Mining Company, conviértese na banda sonora de la película Pídele cuentas al Rey, de José Antonio Quirós, xunto con otres pieces a gaita interpretaes por Alberto Varillas. Esta película resulta ser la más premiada nel Festival de Cine de Peñíscola, llevando ente ellos el premiu a la meyor banda sonora.