Los 10 llibros imprescindibles pa saber de canción asturiana

2014 / 10 / 22 - Asturias Mundial

Al ver la bibliografía empleada en trabayos míos como “L’Asturianada: ensayu sobre la vitalidá d’un xéneru” (en xunto col mio hermanu Xaime Arias. Serviciu de Publicaciones del Principáu d’Asturies. Xixón, 1998), “Cronoloxía de la música asturiana” (Publicaciones Ámbitu. Uviéu, 2004) o “Historia de la Música Asturiana” (La Voz de Asturias. Ediciones Trabe. Uviéu, 2007), bien d’interesaos pola nuestra música pídenme una bibliografía mínima pa saber de canción asturiana.

Munchos de los llibros tan descatalogaos y son difíciles d’adquirir, pero estos podríen ser los 10 llibros imprescindibles pa tener un bon conocimientu de la canción asturiana. L’orden ye cronolóxicu:

1 Martínez Torner, Eduardo. Cancionero musical de la lírica popular asturiana. Establecimiento Tipográfico Nieto y Compañía. Madrid, 1920.

2 Álvarez-Buylla, José Benito. La canción asturiana. Un estudio de etnomusicología musical. Colección Popular Asturiana. Ayalga Ediciones. Xixón, 1977.

3 Tuñón, Óscar Luís. y Martínez Suárez, Ángel. Recuerdos de la canción asturiana. Ed. ALSA. Uviéu, 1984.

4 Marcilla, José María. Un hito en la historia de la cultura asturiana. I y II. Concurso y Muestra de Folcklore Ciudad de Oviedo. Ayuntamiento de Oviedo. Uviéu, 1996.

5 Uría Líbano, Fidela. Música Asturiana entre 1860 y 1934. Vida, obra y catálogo de Víctor Sáenz, Anselmo González del Valle y Baldomero Fernández. Premio Juan Uría Ríu. Serviciu de Publicaciones del Principáu d’Asturies. Uviéu, 1997.

6 Marín Estrada, Pablo Antón. Diccionariu de la tonada. Colección Les Noticies. Ámbitu. Uviéu, 1998.

7 Minden, Pieter. La tonada asturiana. Un acercamiento musicológico. Real Instituto de Estudios Asturianos. Uviéu, 2001.

8 Estrada Fernández, Luis Pedro. y Fernández Fernández, Arsenio Miguel. Intérpretes y canciones de Asturias. Ayuntamiento de Oviedo. Uviéu, 2007.

9 Medina, Ángel. La misa de gaita. Hibridaciones sacroasturianas. Fundación Valdés-Salas. Muséu del Pueblu d’Asturies. Xixón, 2012.

10 Martín Martínez, Félix. De la historia de la música del Valle del Nalón: 1853-2003. El paisaje musical de una comarca minera en Asturias. Universidad de Oviedo. Uviéu, 2013.

Y, a estos 10 llibros, ye mester añadir 3 más de temes relacionaos, per un llau con autores como Diamantina o El Presi, y per otru cola gaita como instrumentu d’acompañamientu de la tonada:

1 Martín Martínez, Félix. El Presi. 100 años de un mito de la canción asturiana. Editorial Laria. Uviéu, 2009.

2 Sánchez Santianes, Iñaki. 32 temas para el acompañamiento a la tonada asturiana con gaita. CH Editorial. Uviéu, 2010.

3 Arias, Xaime. Diamantina Rodríguez. Memoria de un tiempo de la canción asturiana. Ediciones La Cruz de Grado. Gráu, 2012.

Poco más hai. Queden bien de campos ensin estudiar y bien de cantadores sobre los que trabayar y rescatar del escaecimientu.