Blo

< P'atrás  |   P'alantre >


15 discos pa entender los 15 últimos años de la canción asturiana

2014 / 10 / 21 - Asturias Mundial

15 discos pa entender los 15 últimos años de la canción asturiana

A primeros de sieglu XX una xeneración renovó’l xéneru y sentó les bases de la música y la canción asturiana de los años siguientes. Cien años depués, dende primeros de sieglu XXI, vien dándose un fenómenu asemeyáu, una vuelta más dientro del ámbitu de la canción asturiana: una nueva xeneración ta dando’l relevu necesariu pa que’l xéneru se renueve y perdure.

Pero, tamién, una xeneración que ta dexando constancia d’esti tiempu nuna serie de trabayos discográficos. Trabayos tan innovadores qu’axunten la canción asturiana a la música del tiempu, a los ritmos del momentu y a les influencies más estremaes. Y, too ello, ensin dexar en nengún momentu de siguir siendo fideles a una tradición musical y a unos festivales y concursos nos que s’amosa lo vieyo y lo nuevo con absoluta igualdá.

Nun tan tolos que son, pero son tolos que tan. De xuru va echase a faltar dalgún trabayu nesti llistáu de 15 discos imprescindibles pa dar cuenta de los cambios producíos nestos primeros 15 años del sieglu XXI. Nun se trata, pues, de tonada asturiana nel sentíu más clásicu, sinon de tolos contrario: los 15 trabayos discográficos imprescindibles de los cambios que nos trai el nuevu sieglu.

Nun son solo tonada. Son tonada y dalgo más.

15 discos pa 15 años:

1 Mariluz Cristóbal Caunedo. “Ónde la ñublina posa”. Fono Astur. Uviéu, 2001.

2 Anabel Santiago. “Al son de la lluna”. Discos L’Aguañaz. Uviéu, 2002.

3 Jorge Tuya, Ismael Tomás, José Manuel Collado y El Che de Cabaños. “Cuatro Ases de la Toná”. Fono Astur. Uviéu, 2003.

4 Liliana Castañón. “Nel café de la esquina”. Ámbitu. Uviéu, 2004.

5 Anabel Santiago. “Anabel Santiago canta a Diamantina Rodríguez”. Malespulgues Records. Mieres, 2005.

6 Mariluz Cristobal Caunedo. “Cantar de seronda”. Fono Astur. Uviéu, 2005.

7 Anabel Santiago. “Desnuda”. Galileo MC. Madrid, 2007.

8 Carlos Rubiera. “Asturianaes”. La Capitana. Xixón, 2007.

9 Hermanos Valle Roso. “Un pasu más”. Ámbitu. Uviéu, 2008.

10 Héctor Braga. “Trad.ye”. Vaso Music. Madrid, 2008.

11 Anabel Santiago. “Agora”. 2010.

12 Héctor Braga. “Caminos del mundu”. Algamar Producciones. Mieres del Camín, 2010.

13 Mariluz Cristobal Caunedo. “Cancios y asturianaes”. Goxe L’Aguañaz. Uviéu, 2012.

14 Fernando Valle Roso. “Camín d’ayures”. Every Good Song. Uviéu, 2012.

15 Álvaro Fernández Conde. “Recuerdos de Lamasón”. Artimaña Records. Santander, 2012.

Son 15 discos, pero nun son tanta xente: Anabel Santiago aparez cuatro veces; Mariluz Cristobal, tres; Hector Braga, dos; y Fernando Valle Roso, otres dos, una d’elles xunto a la hermana.

Ye evidente qu’ellos tan amosando un camín. Pero, ensin dulda, necesítase más xente pa que los cambios se noten. Esi ye’l frutu que s’espera de los próximos 10 años. Y de xente mui nuevo que yá ta faciéndose notar.




<< Volver al llistáu