Blo

< P'atrás  |   P'alantre >


La muerte del folk

2011 / 01 / 07 - Les Noticies

La muerte del folk

A mediaos de payares del añu acabante de colar tuvo llugar la décimo tercera edición del festival de música vasca en Barcelona, una selección de les meyores propuestes musicales que llevó a Cataluña a 14 grupos y la so bayura de propuestes. Sorprende –visto dende Asturies- que cualuquier d’estos conciertos tenía preciu d’entrada.

Tamién a lo llargo d’ochobre, payares y avientu desarrollóse nel Centre Artes Tradicion rius (CAT) la quinta edición del Circuit Folk de Catalunya, un programa que fai rular per teatros, sales y cafés musicales de diferentes poblaciones catalanes una amuesa de los meyor del presente de la música folk catalana (y valenciana y mallorquina). Arriendes del propiu escenario del CAT de Barcelona, los conciertos lleguen a la Sala Eudald Graells, de Ripoll, al Cafè Sl via, de les Borges Blanques, a la Fira Mediter nia (Envelat Pati Casino), al Vermell de Manresa, al Teatre Principal d’Arenys de Mar y a la Sala Sarau de Cardedeu.

Esti circuito de música folk parte de la inicitiva privada, per un llau de la dirección de la revista Sons y pel otru del CAT, y cuenta también col apoyu del Centre de Promoció de la Cultura Popular i Tradicional Catalana (CPCPTC), la Fundació La Caixa y la Companyia Cervesera del Montseny.

Nes mesmes feches nes que tenía llugar esti programa de conciertos –pequeñu, porque ñació ensin priesa y medra d’añu n’añu ensin pausa- convocóse n’Uviéu, na sé del Calatrava de la Conseyería de Cultura, la xunta semestral del Circuitu Asturianu de Teatru. Como tantes otres veces, los más de venti ayuntamientos atropaos ellí falamos de la falta d’un circuito asturianu de música (en xeneral, pero principalmente de la relacionada cola tradición asturiana y la que se xenera a partir d’ella y de les creaciones de los nuevos músicos).

Cola diferencia de que nesta ocasión bien de xestores responsables d’ayuntamientos llegaben a la conclusión de que ya nun yera necesario: el pop asturianu nun existe, el rock asturianu malapenes gusta, el folk asturianu tá dando los aboquíos y la música clásica asturiana como creación tá difunta porque namás vive de la reproducción de compositores foranos.

A la vista de la escasa presencia d’apoyu públicu –que se bien xeneralizando estos últimos años- ye la iniciativa privada la que fai porque salgan alantre proyectos como’l del Circuit de Folk de Catalunya. Un exemplu que s’axunta a otros que van surdiendo notros puntos, como’l Circuito de Música Alma Atlántica, que fusiona gastronomía, música y vino na vecina Galicia.

Otres comunidaes siguen contando col apoyu instucional, como la Xunta d’Extremadura col Circuito de Música en Vivo y el programa “Play! Cáceres”. El Circuito Andaluz de Música ye un programa del Instituto Andaluz de las Artes y las Letras de la Cosejería de Cultura de la Junta de Andalucía y bien a tener les mesmes característiques y desarrollu que’l Circuitu Asturianu de Teatru, yá que fomenta les programaciones estables nos conceyos andaluces col obxetivu de propiciar el mantenimiento d’un texíu profesional de grupos, artistas, personal técnicu y axentes artísticos.

Esti modelu andaluz ye dafecho interesante yá que, pola contra de los que fai’l Circuitu Asturianu Teatru onde s’acepten toles propuestes, lleva a cabu una escoyeta de media docena de grupos y artistas d’interés pa xirar con ellos durante tol añu per Andalucía. Y ye interesante nel sentíu de que n’Asturies l’anterior intentu qu’hubo de Circuitu Musical acabó desapareciendo por terminar siendo un caxón de sastre nel que too valía.

La cayida espectacular de les producciones musicales nesti últimu añu n’Asturies y el descensu inda más espectacular de les actuaciones en directo fai necesaria esta llamada d’atención sobre la nuestra música y los nuestros músicos. Dende una institución como la Conseyería de Cultura lleven la última llexislatura ensin facer gran cosa –más allá de los capítulos de subvenciones-. Pero tampoco la inicitiva privada tá dando señales de movese gran cosa –y nun podemos escaecer que cada ún de los grupos nun dexa de ser un pequeñu proyectu d’iniciativa privada.




<< Volver al llistáu