Producciones / Espectáculos

 

1808 Cantares de La Francesada

Añu: 2008
Llugar: Pal Ayuntamientu de Xixón
(Día Grande de Begoña na Plaza Mayor de Xixón)
Xeneru: Llibretu

Llibretu del espectáculu musical sobre música tradicional y compuesta por Xaime Arias, responsable de la dirección musical, y dirección artística d’Alberto Varillas. Cuenta, acompañámndose de los cantares del tiempu, la sublevación del pueblu de Xixón contra l’invasor francés al llegar a la villa noticies del llevantamientu de Madrid y la represión de los díes 2 y 3 de mayu de 1808.


 


Viernes Culturales de la Fundación José Cardín Fernández

Añu: 2008
Llugar: Fundación José Cardín, Villaviciosa
Xeneru: Organización de conciertos

Programación y presentación de la serie de conciertos de branu que tuvieron llugar nel patiu exterior de la Fundación José Cardín Fernández de Villaviciosa a lo llargo de los meses de xunetu, agostu y septiembre de 2008, y nel qu’intervinieron: Celia González, Hermanos Valle Roso, Quinteto Km 0, Paco Díez, Cuarteto Astur y Anabel Santiago.


 


L’Asturianada. Alma d’un pueblu. Alma de un pueblo. The soul of the nation.

Añu: 2008
Llugar: Sala Cultural CajAstur Teatro Campoamor, Uviéu
Xeneru: Exposición

Comisariáu de la exposición L’Asturianada. Alma d’un pueblu, que tuvo llugar ente’l 6 de xunu y el 24 d’agostu y organización del calendariu de conciertos que se desarrollaron na propia sala a lo llargo de tolos xueves d’esi periodu y que contó cola actuación de Marisa Valle, Fernando Valle, Anabel Santiago, Liliana Castañón, Urbano Prieto, Héctor Braga, Che de Cabaños, José Manuel Collado, Ismael Tomás y Jorge Tuya, cola intervención de los pianistes Gabino Antuña y Xaime Arias. La exposición y el folletu que l’acompañó fízose trillingüe, n’asturianu, inglés y castellanu.


 


Viernes Culturales de la Fundación José Cardín Fernández

Añu: 2007
Llugar: Fundación José Cardín, Villaviciosa
Xeneru: Organización de conciertos

Programación y presentación de la serie de conciertos de branu que tuvieron llugar nel patiu exterior de la Fundación José Cardín Fernández de Villaviciosa a lo llargo de los meses de xunetu, agostu y septiembre de 2007, y nel qu’intervinieron: Quinteto Ad Libitum, Xaime Arias Trío y Rosaleda Jazz Cuartet.


 


Alborá en Xixón. Homenaxe a Manolo Quirós

Añu: 2007
Llugar: Pal Ayuntamientu de Xixón
(Día grande de Begoña na Plaza Mayor de Xixón)
Xeneru: Llibretu

Llibretu del espectáculu musical sobre música de Manolo Quirós, dirección musical de Gabino Antuña y dirección artística d’Alberto Varillas, con el repertoriu más conocíu d’esti gaiteru, cantares que siguen siendo patrimoniu de la memoria de tolos asturianos.


 


Cien años d'asturianaes

Añu: 2007
Llugar: Pal Institutu Xovellanos de Xixón
(en collaboración con AICA)
Xeneru: Llibretu, amuesa y dirección

Conferencia-conciertu en collaboración con Xaime Arias, al piano, y les voces d’Anabel Santiago y Alberto Varillas, dando un ampliu repasu a l’asturianada dende los sosoríxenes hasta los nuestros díes.


 


Un añu en Xixón

Añu: 2006
Llugar: Pal Ayuntamientu de Xixón
(Día grande de Begoña na Plaza Mayor de Xixón)
Xeneru: Llibretu

Llibretu del espectáculu musical, con música de Xaime Arias y dirección artística d’Alberto Varillas, con un ampliu repertoriu sobre tola música que describe un añu de vida d’una población como Xixón.


 


Torner

Añu: 2005
Llugar: Pa la Compañía Asturiana d’Espectáculos
(25 representaciones)
Xeneru: Llibretu, amuesa y dirección

Espectáculu musical d’Ástura, Anabel Santiago y Alberto Varillas, integráu por cuatro suites sobre temes del Cancioneru de Torner, con motivu del cincuentenariu de la so muerte nel exiliu londinense.


 


Sones de danza

Añu: 2005
Llugar: Pal Ayuntamientu de Xixón
(Día grande de Begoña na Plaza Mayor de Xixón).
Xeneru: Llibretu

Llibretu del espectáculu musical, con música de Xaime Arias y dirección artística d’Alberto Varillas, sobre un repertoriu relacionáu col tiempu de fiesta y l’alegría del baille y la danza.


 


Nel camín

Añu: 2004
Llugar: Pa la Compañía Asturiana d’Espectáculos
(12 representaciones)
Xeneru: Llibretu, amuesa y dirección

Espectáculu musical d’Ástura, Anabel Santiago, Liliana Castañón, Urbano Prieto y Alberto Varillas, sobre cantares relacionaos col Camín de Santiago n’Asturies.


 


Buscando’l Norte

Añu: 2003
Llugar: Pal Ayuntamientu de Xixón
(Día grande de Begoña na Plaza Mayor de Xixón).
Xeneru: Llibretu

Llibretu del espectáculu musical, con música de Juan Carlos Casimiro y dirección artística d’Alberto Varillas, sobre la narración del regresu de Xovellanos, enfermu y cansáu, a morrer a la so villa de Xixón, asediada poles tropes franceses.